你咁樣做...係唔啱㗎！
對住自己最鍾意嘅貓，梗係想日日夜夜盡情咁抱佢攬佢同佢互動㗎啦。不過，一啲你自己覺得爽、又以為佢會爽嘅行為，有可能會攪到佢好唔happy㗎喎...! 今次我哋講吓，同貓貓互動唔可以做嘅三種行為。 1. 互動嘅timing 記住，貓先係主人。（呢句我講嘅、唔係翻譯） 首先，貓係唔會配合你嘅。即使貓奴有幾想同貓貓玩，都要睇吓主人有冇心情。如果主人冇心情嘅話，你點撩佢佢都唔會騷你。 如果貓貓表現出「我想你錫錫」、「幫我R背脊」等訊號，奴才們，仲等咩？快啲滿足主子啦！ 2. 唔好幫貓貓冚被、著衫 （嗱...日本專家講㗎咋） 冬天嘅時候，有種凍叫做「奴才覺得你凍」，然後自把自為幫貓貓著衫冚被。奴才們，咪咁啦！縱使貓貓冇拒絕你或者避開你，其實佢哋心不甘情不願㗎。（ 宝宝不高兴但是宝宝不说 😢） 貓貓係會揀自己覺得最舒服嘅地方去瞓覺嘅。如果你覺得凍嘅話，就喺貓貓附近幫佢準備一個暖嘅地方，等佢自己過去啦。 3. 貓咪自己決定嘅地方，你亂郁佢係唔啱㗎 奴才成日都想同主子更親密，而擅自闖入佢地盤去騷擾佢，咁係唔啱㗎。要知道，貓咪係好需要距離感嘅動物。所以貓奴們，請尊重主人嘅意願。要記住，貓咪想同你親近嘅時候佢自然會俾signal你。唔好夾硬嚟啊！ 出處： ねこのきもち
